Մասնակիցներ՝ Հյուսիսային դպրոց-պարտեզի 2-4 տարեկաններ
Նպատակը՝ երեխաներին սովորեցնել ճիշտ հաշվել, ճանաչել գույները ,թվերը և կենդանիներին։ Արտաբերել պարզ, հստակ և քերականորեն ճիշտ։
Խնդիրը՝ ճանաչել գույները , ջրային և ընտանի կենդանիներին, թվերը,զարգացնել մանր մոտորիկան , կազմել քերականորեն ճիշտ նախադասություններ, ինչպես նաև արտաբերել ոչ խոսքային ձայները։
դիդակտիկ նյութեր` թվեր, կենդանիներ, փազլ , լեգո:
Ընթացքը— երեխաները ողջունում են իրար և լոգոպեդին ՝ ծանոթանում իրար հետ։ Լոգոպեդը հանում է փազլը որտեղ տարբեր կենդանիներ են պատկերված և բաժանում ,հետ երեխաներին հրահանգում է որպեսի հերթով դնեն ստացվի ամբողջական պատկեր ։Կենդանին հավաքելուց հետո կռահում ենք ձայնը։
Հաջորդիվ տալիս եմ տարբեր գույների լեգո և շարունակում ենք արտաբերելով և հարցերին ճիշտ պատասխանելով դնել իրար վրա ստանալ տարբեր պատկերներ։
Շարունակելով խաղալ հյուր են գալիս թվերը և համապատասխան քարտերը ։ Թվերը դնում ենք կենտրոնում ,իսկ քարտերը բաժանում ենք երեխաներին , յուրաքանչյուր սան հաշվում է իր քարտի վրա պատկերված առարկաները և գտնում համապատասխան թիվը:Վերջում ջրային կենդանիներով եզրափակում ենք։
Նպատակը` ազգային մշակույթի յուրացում խաղերի ուսուցում ։ Դաստիարակների սեմինար պարապմունքներից փորձի փոխանակում, սովորող֊սովորեցնող։
Արդյունքում` սաները կմասնակցեն ծրագրային, ծիսական խաղերին, անմիջականորեն մասնակից կդառնա խաղին, կիմանա խաղերի մասին, կկարողանա խաղալ և իրենց հետ կտանեն ընտանիք և կնպաստի մշակույթի տարածմանը։
Մասնակիցները՝ Հյուսիսային դպրոց-պարտեզի 2-4տարեկաններ, դաստիարակներ
Վայրը՝ Հյուսիսային դպրոց-պարտեզ
Ընթացքը՝ սաների հետ պատրաստում ենք ինքնաշեն խաղ-խաղալիք՝ դոմինո, որը նաև զարգացնող բնույթ է կրում։ Այսինքն զարգացնում ենք մոտորիկան, մտքի ճկունությունը ։
Նպատակը՝ Սովորում ենք գույներ, նաև կարող ենք օգտագործել այլ խաղեր ստեղծելու համար։
Անհրաժեշտ պարագաները՝ բժշկական փայտիկներ և գունանյութեր
Մարզական խաղեր, նախավարժանք։ Սա սանի առօրյաից մի հատված է։ Սաները օրը սկսում են ուրախ նախավարժանքով, իսկ օրվա մեջ մարզական խաղեր խաղում` մարզական գործիք դարձնելով խմբում ամեն առարկա` էլ սեղան -աթոռ, էլ ներքնակ։
Երեխայի բացակայության կամ ուշացման, ինչպես նաև դրանց պատճառների մասին ծնողը դաստիարակներին տեղյակ է պահում մինչև 09։30: Երեխաներին ընդունում են բակում։
Սաներն ինքնուրույն են զգեստափոխվում: Դասավորում են աթոռները, մաքրում փոշիները, խնամում են բույսերը, ջրում և փխրեցնում են հողը: Բակում հավաքում են թափթփված աղբը, հետևում են բույսերի աճին։
9:30-10:00—Ռոդարիական ուրախ մարմնամարզությանը միանում են կոմիտասյան երգն ու պարը: Դաստիարակը սանի հետ պետք է մագլցի, վազի, թռչի բարձրությունից, չոչ անի, գլուխկոնծի տա և այլն՝ խենթություներով լինելով անմիջական մասնակիցը կրթության, լինելով սաներից մեկը, ոգևորելով, երևակայելով…: Սաները հաճախ իրենք են շարժումները որոշում: Երբեմն մարմնամարզության ընթացքում կենդանիներ են դառնում, շարժումային տարբեր փոքրիկ ներկայացումներ են ստացվում, երբեմն ամբողջ վարժանքը պարի է վերածվում: Խաղաստեղծ միջավայր կարող է լինել նաև մեր մարմինը: Երբ նրան ավելացնենք «լույս + ստվեր= ստվերախաղբաղադրատոմսը», կստացվի իմացումի հերթական, իսկական հրճվանք: Ինչքան ուզում ես թափահարի՛ր ոտքերդ, ձեռքերդ, մարմինդ, մազերդ, ստվերային ներկայացումներ խաղա՛, կապիկություն արա՛, սավառնի՛ր, իրական ազատությունը զգա՛…:
Ես կարողանում եմ… (Ես կարողանում եմ ինքնուրույն լվացվել,հագնվել,սպասքադրել և հավաքել-մաքրել): Օրվա 4 հերթապահները նախապատրաստում են նախաճաշի, ճաշի և հետճաշիկի սեղանը:
Ըստ ուսումնական օրացույցի՝ սեպտեմբերի 1-ից սկսվում է «Աշնանային պարտեզ» նախագիծը : «Աշնանային պարտեզն» իր առանձնահատկություններն ունի՝ մրգերի և բանջարեղենի առատություն, տարբեր տեսակներ, ծառատունկ, ծաղկատունկ, սերմնահավաքություն, սերմնացան, ցորենացան, լավաշթխիկ, թթուդրիկ, պատրաստություն ձմռանը: Երեխաները սիրում են ամեն ինչ փորձել, շոշափել, ուսումնասիրել, համտեսել: Բազում հարցերի պատասխաններ սաները նախակրթարանում ստանում են իրենց գործունեության արդյունքում: Թթու դնելուց առաջ խանութից գնում են մթերքը, կշռում,տարբերակում գույները, հոտը, համը, հետազոտում, ուսումնասիրում են սերմերը: Շատ հետաքրքիր աշխատանք է սերմ հավաքելը: Սաների համար հայտնագործություն է, թե՝ սերմը պտղի՝ մրգի, բանջարեղենի մեջ է. սկսում են փորփրել, առանձնացնել սերմը պտղամսից, տեղափոխել թղթի վրա, չորացնել և հենց խմբասենյակում ստեղծել իրենց բանջարանոց -լաբորատորիան: Ամեն օր ջրում, փխրեցնում են հողը, սպասում՝ երբ կծլի, օրերը նշում ,որից հետո ամեն օր մետրով, թզով, թելով չափում են, թե ինչքան է բարձրանում ծիլը , հետո հաշվում են, թե քանի տերև աճեց, որից հետո սպասում բերքին. սրանից էլ լավ ուսուցում-հոտազոտում-բացահայտո՞ւմ… Իսկ թթվից ավելացած բանջարեղենը տանում են Ագարակի կենդանիներին:
Անհրաժեշտ նյութեր և գործիքներ Սաների համար հարմար գյուղատնտեսական գործիքներ՝փոքրիկ բահեր, փոցխեր, փխրիչներ, թավաներ, տարբեր չափի տարաներ, ցնցուղ, թաթավոր կշեռքներ, խոշորացույցներ, գրտնակներ, շերեփներ, խոհանոցային այլ պարագաներ։ Սաները աշխատում են, միմյանց օգնում, զիջում մեկը մյուսին, փոխանցում ջուրը, բահը, սերմը, փորում հողը, թաթիկներով լցնում սերմը և զգուշությամբ ծածկում հողով:
Աշնանը հիմանականում ցորենացան ենք անում: Ցորենը ցանելուց հետո հետևում ենք աճի ընթացքին, ուսումնասիրում, չափում-համեմատում, հետևում նյութի վիճակի փոփոխությանը՝ ցորեն-ալյուր-խմոր-լավաշ: Ցորենը հավաքելուց հետո եթե հնարավորություն կա երկանքը խմբասենյակ տեղափոխելու, ապա հավաքած ցորենը վերածվում է ալյուրի, որն էլ իր հեթին՝ խմորի և լավաշի:
Շատ սիրելի ծես«Լավաշթխիկ», որի ժամանակ ամեն ինչ կապված է ցորենի, ալյուրի, լավաշի հետ՝ջրաղաց, երկանք, թոնրատուն, որոնց լրացնում և համ ու հոտ են տալիս հացթխիկի ծիսակն երգերը, պարերգերը և ազգային խաղիկները։ Բոլորն անմիջական մասնակիցն են դառնում այս ամենի, տեսնումիսկական թոնրի լավաշն ինչպես են թխում, ինչ գործիքներով, ինչպես են խմոր հունցում, գրտնակում և թոնրից հանում կարմրաթուշ ու խրթխրթան լոշիկը: Թարմ լավաշի համն ու հոտը բոլորովին ուրիշ է, բա համտեսումը պանրով ու մեր աճեցրած կանաչիով…
«Աշնանային պարտեզ» -ի նախագծերից են նաև «Իմ թաղարը», «Կոմիտասյան օրեր»,«Խնկոյանական օրեր»,«Նոր սեբաստացիներ », «Խաղողածես», «Թթուդրիկ»… և, իհարկե, չենք մոռանում աշնանային լողափը, լողափնյա խաղերի իրական հրճվանքը:
Սեմինար-պարապմունքներ
13:30-14:30—Սեմինար-պարապմունքներ: Երկուշաբթի և հինգշաբթի՝ մարզական- պարուսուցում: Ծնողական առցնց ակումբ. Յուրաքանչյուր ամսվա 3 շաբաթը